مديحة البكري تكشف سبب تغير ملامحها في "جعفر العمدة"

كشفت الفنانة مديحة البكري عن ردود الأفعال التي تلقتها على دورها في مسلسل جعفر العمدة، الذي عرض خلال شهر رمضان الماضي 2023.
وقالت البكري: اتخضيت من رد فعل الناس لأنهم متخيلين اللي أنا بومة ونكدية وغدارة، ولقيت فيه ناس فاهمة وناس مش فاهمة وناس بتخلط، ولكن في الآخر الحمد لله نجاح مكنتش متخيلاه.
وتابعت: الدور نفسه مختلف تماما طبعا ويخض، وأنا اتخضيت من الاسكريبت، وخوفت بس في نفس الوقت قولت لا أغير جلدي وأجرب الشر، ومعرفش أنا جيبت منين الشر دا وأستاذ محمد هو اللي ساعدني، وكنت متأثرة بنجمة إبراهيم.
وعن السبب وراء تغير ملامحها في المسلسل قالت: أنا خسيت بعد ما جوزي اتوفى، وبعدين اتنين من إخواتي ماتوا ورا بعض منهم أخت تعتبر توأمي، فالموضوع كان صعب اتنين ورا بعض، فلازم تكتئب، واللي أداني القوة أستاذ محمد، وكان كل شوية يديني دافعة، وأنا وطارق النهري صحاب من زمان.
"جعفر العمدة" بطولة  محمد رمضان وزينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، احسان الترك وضيف الشرف بيومى فؤاد، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر.